शांतीच्या नव्या युगाच्या स्थापनेत माध्यमे सेतू बनावीत : राजयोगिनी मोहिनी दिदी _चार दिवसीय राष्ट्रीय मीडिया महासम्मेलनाचा दिमाखदार समारोप; देशभरातील १५०० हून अधिक पत्रकार, संपादक व मीडिया तज्ज्ञांचा सहभाग

शांतीच्या नव्या युगाच्या स्थापनेत माध्यमे सेतू बनावीत : राजयोगिनी मोहिनी दिदी

_चार दिवसीय राष्ट्रीय मीडिया महासम्मेलनाचा दिमाखदार समारोप; देशभरातील १५०० हून अधिक पत्रकार, संपादक व मीडिया तज्ज्ञांचा सहभाग

आबूरोड : सप्त नगरी न्यूज ब्युरो समाजाची विचारसरणी आणि दिशा प्रभावित करण्याची माध्यमांची ताकद प्रचंड आहे. या शक्तीचा उपयोग सकारात्मक विचार, मानवी मूल्ये आणि शांततेचा संदेश समाजापर्यंत पोहोचवण्यासाठी केल्यास माध्यमे शांतीच्या नव्या युगाच्या स्थापनेत महत्त्वपूर्ण सेतू ठरू शकतात, असे प्रतिपादन ब्रह्माकुमारीज संस्थेच्या मुख्य प्रशासिका राजयोगिनी बीके मोहिनी दीदी यांनी केले.

ब्रह्माकुमारीजच्या मानसरोवर परिसरातील दिव्य शक्ती अनुभूती हॉलमध्ये आयोजित राष्ट्रीय मीडिया महासम्मेलन-२०२६चा समारोप ‘शांतीच्या नव्या युगाकडे सेतू म्हणून मीडिया’ या विषयावर झाला. ९ ते १३ सप्टेंबरदरम्यान झालेल्या या महासम्मेलनात देशभरातील प्रिंट, इलेक्ट्रॉनिक, रेडिओ आणि वेब मीडिया क्षेत्रातील पत्रकार, संपादक तसेच मीडिया तज्ज्ञांसह १५०० हून अधिक प्रतिनिधींनी सहभाग घेतला.

समारोप सत्रात माध्यमांची सामाजिक जबाबदारी, सकारात्मक पत्रकारिता आणि शांतता प्रस्थापनेत माध्यमांची भूमिका यावर सखोल विचारमंथन करण्यात आले.

▫️शब्दांमध्ये समाजाला जोडण्याची शक्ती

राजयोगिनी बीके मोहिनी दीदी म्हणाल्या की, सध्याच्या काळात समाजापर्यंत पोहोचण्यासाठी माध्यमांची भूमिका अत्यंत महत्त्वाची आहे. बातम्या आणि विचारांचा लोकांच्या मानसिकतेवर मोठा प्रभाव पडतो. त्यामुळे माध्यम क्षेत्रातील व्यक्तींनी आपली जबाबदारी ओळखून समाजात विश्वास, सद्भावना आणि सकारात्मकतेचे वातावरण निर्माण करणाऱ्या पत्रकारितेला प्रोत्साहन द्यावे.

शब्दांमध्ये समाजाला जोडण्याची मोठी शक्ती असते. पत्रकारितेत संवेदनशीलता आणि मानवी मूल्यांना स्थान दिल्यास माध्यमे लोकांच्या जीवनात सकारात्मक परिवर्तन घडवून आणण्याचे प्रभावी माध्यम ठरू शकतात, असे त्यांनी सांगितले.

▫️माध्यमांसमोर नव्या जबाबदाऱ्या

माखनलाल चतुर्वेदी राष्ट्रीय पत्रकारिता एवं संचार विश्वविद्यालय, भोपाळचे असोसिएट प्रोफेसर डॉ. संजीव गुप्ता यांनी इलेक्ट्रॉनिक माध्यमांचे बदलते स्वरूप आणि पत्रकारितेसमोरील नव्या जबाबदाऱ्यांवर विचार व्यक्त केले. माध्यम कर्मचाऱ्यांसाठी तथ्यपरकता आणि जबाबदार दृष्टिकोन महत्त्वाचा असल्याचे त्यांनी नमूद केले.

नेपाळमधील कल्याणपूरच्या ज्येष्ठ पत्रकार माला कुमारी कर्ण यांनी माध्यमे ही समाजातील विविध घटकांमध्ये संवाद निर्माण करणारे महत्त्वपूर्ण माध्यम असल्याचे सांगितले. पत्रकारितेच्या माध्यमातून सकारात्मक संदेश आणि शांततेची भावना जनसामान्यांपर्यंत पोहोचवण्याची गरज त्यांनी व्यक्त केले.

▫️मान्यवरांनीही केले मार्गदर्शन

कुशाभाऊ ठाकरे विद्यापीठ ऑफ जर्नालिझम अँड मास कम्युनिकेशन, रायपूरचे माजी कुलगुरू प्रा. डॉ. मानसिंह परमार यांनी माध्यमांच्या सामाजिक भूमिकेवर प्रकाश टाकला. प्रसार भारती न्यूज सर्व्हिस, नवी दिल्लीचे सीनियर एडिटर डिजिटल उमनाथ सिंह यांनी डिजिटल पत्रकारितेशी संबंधित विविध विषयांवर मार्गदर्शन केले. एएएफटी, नोएडा फिल्म सिटीचे डीन डॉ. विकास सिंह यांनी माध्यमे आणि सर्जनशील माध्यमांच्या भूमिकेवर आपले विचार मांडले.

▫️आगामी कार्ययोजना सादर

समारोपाच्या प्रसंगी मीडिया विंगच्या उपाध्यक्षा बीके सरला दीदी यांनी आगामी कार्ययोजना सादर केली. मीडिया क्षेत्रातील उपक्रम अधिक प्रभावी करणे आणि सकारात्मक संदेश व्यापक स्तरावर पोहोचविण्यासंदर्भातील नियोजन त्यांनी मांडले. या कार्ययोजनेला माखनलाल चतुर्वेदी राष्ट्रीय पत्रकारिता एवं संचार विश्वविद्यालय, भोपाळचे मास कम्युनिकेशन विभागप्रमुख प्रा. संजय द्विवेदी यांनी मान्यता दिली.

कार्यक्रमात उपस्थित मान्यवरांचा बॅज, पुष्पगुच्छ आणि अंगवस्त्र देऊन सन्मान करण्यात आला. मुंबईचे गायक बीके पुनीत यांनी गीत सादर केले. आग्रा येथील मीडिया उपक्षेत्रीय समन्वयक बीके अमर चंद यांनी स्वागतपर भाषण केले. ज्येष्ठ राजयोग शिक्षिका डॉ. बीके सविता दीदी यांनी सहभागी प्रतिनिधींना ध्यानाचा अनुभव दिला.

कथक नृत्याने मोहित केले

आग्रा येथील कथक कलाकार श्वेता सागर यांनी सादर केलेल्या स्वागत नृत्याने उपस्थितांची मने जिंकली. मीडिया आणि पीआर विंगचे राष्ट्रीय समन्वयक बीके शांतनू यांनी आभार मानले. अहमदाबादच्या अतिरिक्त क्षेत्रीय मीडिया समन्वयक डॉ. बीके नंदिनी बहन यांनी कार्यक्रमाचे सूत्रसंचालन केले.

समारोपानंतर सांस्कृतिक संध्याचे आयोजन करण्यात आले. आध्यात्मिक आणि सांस्कृतिक सादरीकरणातून महासम्मेलनाला भावपूर्ण निरोप देण्यात आला.

शांततामय वातावरण निर्मितीचा संकल्प

पाच दिवस चाललेल्या या महासम्मेलनात माध्यमांना केवळ माहिती प्रसारित करणारे साधन न मानता शांती, सकारात्मकता आणि श्रेष्ठ चिंतन समाजापर्यंत पोहोचविणारा प्रभावी सेतू म्हणून विकसित करण्यावर विशेष भर देण्यात आला.

महासम्मेलनाच्या समारोपावेळी सहभागी प्रतिनिधींनी पत्रकारितेच्या माध्यमातून समाजात सकारात्मक परिवर्तन घडवून आणण्यासह शांततामय आणि मूल्याधिष्ठित वातावरण निर्मितीत योगदान देण्याचा संकल्प केला.

ईश्वर तुंबा मराठे