नैसर्गिक शेती अभियान अंतर्गत जनजागृती कार्यक्रम संपन्न

नैसर्गिक शेती अभियान अंतर्गत जनजागृती कार्यक्रम संपन्न

नंदुरबार|सप्त नगरी न्यूज ब्युरो :- मौजे काकर्दे, तालुका नंदुरबार येथे दिनांक १५ मे २०२६ रोजी राष्ट्रीय नैसर्गिक शेती मिशन अंतर्गत जनजागृती कार्यक्रम उत्साहात पार पडला.

या कार्यक्रमामध्ये एल निनोचा शेतीवर होणारा परिणाम, नैसर्गिक शेतीचे क्षेत्र वाढविणे, शेतीतील पाणी बचतीसाठी मूलस्थानी जलसंधारण व जलतारा संकल्पना तसेच नैसर्गिक निविष्ठांच्या स्थानिक उपलब्धतेसाठी BRC चा प्रभावी वापर याबाबत सविस्तर मार्गदर्शन करण्यात आले.

यावेळी शेतकऱ्यांना वेस्ट डिकोम्पोझर व गो कृपा अमृत तयार करण्याचे प्रत्यक्ष प्रात्यक्षिक (Hands-on Training) देण्यात आले. तसेच पाणी फाउंडेशनच्या फार्मर कप स्पर्धेबाबत माहिती व मार्गदर्शन करण्यात आले.

कार्यक्रमाच्या अध्यक्षस्थानी प्रकल्प संचालक आत्मा, नंदुरबार दीपक पटेल उपस्थित होते. प्रमुख मार्गदर्शक म्हणून कृषी विज्ञान केंद्र, कोळदा येथील  राजेंद्र दहातोंडे तसेच तालुका कृषी अधिकारी वैभव कोरडे यांनी शेतकऱ्यांना मार्गदर्शन केले.

यावेळी मंडळ कृषी अधिकारी कुणाल ठाकुर, उप कृषी अधिकारी करणसिंग गिरासे, सहायक तंत्रज्ञान व्यवस्थापक  बागुल, सहायक कृषी अधिकारी  मंदार पाटील,  दीपक राजपूत,  राहुल बत्तीसा, कृषी सखी सौ. छाया माळी, सौ. शोभा मराठे तसेच प्रगतशील शेतकरी श्री. देविदास रामदास माळी यांच्यासह गावातील मोठ्या संख्येने शेतकरी उपस्थित होते.

या कार्यक्रमामध्ये नैसर्गिक शेती, जलसंधारण आणि शाश्वत कृषी पद्धतींचा प्रसार करण्यावर विशेष भर देण्यात आला.
.
.
.

नैसर्गिकशेती #NaturalFarming #शाश्वतकृषी #जलसंधारण #WaterConservation #FarmerAwareness

कृषीविभाग #Nandurbar #FarmersTraining #OrganicFarming #FarmerCup #PaaniFoundation

AgriInnovation #SustainableAgriculture #TeamNandurbar

ईश्वर तुंबा मराठे