शहादा उपविभागीय अधिकारी कृष्णकांत कनवरिया यांची H.S.C. परीक्षा केंद्रास भेट
शहादा सप्त नगरी न्यूज ब्युरो
शहादा उपविभागीय अधिकारी कृष्णकांत कनवरिया यांनी सुरू असलेल्या H.S.C. परीक्षेच्या अनुषंगाने शहादा येथील कै. सौ. जी. एफ. पाटील कनिष्ठ महाविद्यालय (विकास स्कूल) या परीक्षा केंद्रास भेट दिली.
या भेटीदरम्यान त्यांनी परीक्षा केंद्रावरील आसन व्यवस्था, पर्यवेक्षण, शिस्तबद्धता तसेच विद्यार्थ्यांसाठी उपलब्ध असलेल्या सुविधा यांची पाहणी केली. परीक्षा सुरळीत, पारदर्शक व तणावमुक्त वातावरणात पार पडावी यासाठी केंद्रप्रमुख व कर्मचाऱ्यांशी संवाद साधून आवश्यक सूचना दिल्या.
परीक्षेदरम्यान सर्व नियमांचे काटेकोर पालन करणे, गोपनीयता राखणे तसेच विद्यार्थ्यांना अनुकूल व सुरक्षित वातावरण उपलब्ध करून देण्यावर त्यांनी भर दिला. ही भेट परीक्षेच्या व्यवस्थापनाची खात्री करण्यासोबतच विद्यार्थ्यांचा आत्मविश्वास वाढविण्याच्या दृष्टीने महत्त्वपूर्ण ठरली.
यावेळी महाविद्यालयाचे प्रशासन व परीक्षा केंद्रावरील अधिकारी-कर्मचारी उपस्थित होते. त्यांनी परीक्षा प्रक्रिया शांततेत व जबाबदारीने पार पाडण्यासाठी संपूर्ण सहकार्य करण्याचे आश्वासन दिले.
HSC #ExamInspection #BoardExams #collectorofficenandurbar
- 0
- 0
- 0
- 0
