तालुकास्तरीय विद्यार्थी क्रीडा स्पर्धा – शहादा येथे उत्साहात व यशस्वीरीत्या संपन्न

शहादा तालुका पंचायत समिती, (शिक्षण विभाग) यांच्या वतीने केंद्र शासनाच्या ‘खेलो इंडिया’ उपक्रमांतर्गत आयोजित तालुकास्तरीय विद्यार्थी क्रीडा स्पर्धा वसंतराव नाईक महाविद्यालय, शहादा येथील प्रशस्त क्रीडांगणावर अत्यंत उत्साही, शिस्तबद्ध व आनंददायी वातावरणात यशस्वीरीत्या पार पडल्या.

विद्यार्थ्यांच्या शारीरिक विकासाला चालना देणे, भविष्यातील सक्षम व गुणवत्तापूर्ण खेळाडू घडवणे, तसेच ग्रामीण व शहरी भागातील विद्यार्थ्यांमधील सुप्त क्रीडा प्रतिभेला योग्य दिशा व व्यासपीठ उपलब्ध करून देणे, हा या स्पर्धांचा मुख्य उद्देश होता. या हेतूने आयोजित करण्यात आलेल्या स्पर्धांना विद्यार्थ्यांकडून मोठा प्रतिसाद लाभला.

या क्रीडा स्पर्धांमध्ये शहादा तालुक्यातील विविध केंद्रांमधून इयत्ता ३ री ते ८ वी मधील सुमारे ८०० विद्यार्थी खेळाडूंनी उत्स्फूर्त सहभाग नोंदविला. कबड्डी, खो-खो, धावणे व लांब उडी या विविध क्रीडा प्रकारांमध्ये विद्यार्थ्यांनी आपले कौशल्य, चपळता व खेळाडूवृत्तीचे उत्कृष्ट दर्शन घडवले.

मान्यवरांची उपस्थिती:
स्पर्धांचे उद्घाटन प्राचार्य डॉ. रमेश चौधरी, जिल्हा शिक्षण व प्रशिक्षण संस्था (DIET), नंदुरबार यांच्या हस्ते करण्यात आले. यावेळी श्री. भानुदास रोकडे, शिक्षणाधिकारी (प्राथमिक), जिल्हा परिषद नंदुरबार हे प्रमुख अतिथी म्हणून उपस्थित होते. तसेच श्री. सुभाष वसावे, अधिव्याख्याता, DIET नंदुरबार, डॉ. हिमांशू जाधव, सातपुडा शिक्षण प्रसारक मंडळ, धुळे यांची विशेष उपस्थिती लाभली. कार्यक्रमाच्या अध्यक्षस्थानी श्री. महेश पोतदार, गटविकास अधिकारी, पंचायत समिती शहादा हे होते.

सांघिक स्पर्धांचे निकाल:
कबड्डी – मुले (छोटा गट, इ. ३ री ते ५ वी)
▪️ विजेता – डोंगरगाव
▪️ उपविजेता – मंदाणे

कबड्डी – मुले (मोठा गट, इ. ६ वी ते ८ वी)
▪️ विजेता – पाडळदा
▪️ उपविजेता – असलोद

कबड्डी – मुली (मोठा गट, इ. ६ वी ते ८ वी)
▪️ विजेता – डोंगरगाव
▪️ उपविजेता – मंदाणे

खो-खो – मुले (छोटा गट)
▪️ विजेता – पाडळदा
▪️ उपविजेता – जावदे ता. बो.

खो-खो – मुली (छोटा गट)
▪️ विजेता – पाडळदा
▪️ उपविजेता – लक्कडकोट

खो-खो – मुले (मोठा गट)
▪️ विजेता – मंदाणे
▪️ उपविजेता – शिरुड दिगर

वैयक्तिक स्पर्धांचे उल्लेखनीय यश:
धावणे व लांब उडी या वैयक्तिक स्पर्धांमध्ये विद्यार्थ्यांनी उल्लेखनीय कामगिरी केली. विविध गटांमध्ये अनेक खेळाडूंनी प्रथम, द्वितीय व तृतीय क्रमांक पटकावून आपल्या शाळेचे व केंद्राचे नाव उज्ज्वल केले.

🔹 धावणे – मुले, छोटा गट (इ. ३ री ते ५ वी)
▪️ प्रथम – सिद्धेश्वर संदीप पाडवी, लोणखेडा
▪️ द्वितीय – तिरथ सुभाष पावरा, जावदे ता. बो.
▪️ तृतीय – भावेश भरत भिल, प्रकाशा

🔹 धावणे – मुली, छोटा गट (इ. ३ री ते ५ वी)
▪️ प्रथम – संजना साजन पवार, आमोदा
▪️ द्वितीय – राधिका सखाराम आखाडे, परिवर्धा
▪️ तृतीय – महेश्वरी सुनील ठाकरे, ब्राह्मणपुरी

🔹 धावणे – मुले, मोठा गट (इ. ६ वी ते ८ वी)
▪️ प्रथम – कमलेश सुभाष पवार, जावदे ता. बो.
▪️ द्वितीय – निलेश शिवाजी ठाकरे, शिरुड दिगर
▪️ तृतीय – हात्या तिरसिंग राऊळ, पाडळदा

🔹 धावणे – मुली, मोठा गट (इ. ६ वी ते ८ वी)
▪️ प्रथम – दिव्या प्रकाश पावरा, मंदाणे
▪️ द्वितीय – अश्विनी छोटू ठाकरे, डोंगरगाव
▪️ तृतीय – रोशनी जयसिंग सोनवणे, शिरुड दिगर

🔹 लांब उडी – मुले, छोटा गट (इ. ३ री ते ५ वी)
▪️ प्रथम – कुणाल केशव परदेशी, जावदे ता. बो.
▪️ द्वितीय – सिद्धेश्वर संदीप पाडवी, लोणखेडा
▪️ तृतीय – वैशीराम आनंद ठाकरे, शिरुड दिगर

🔹 लांब उडी – मुली, छोटा गट (इ. ३ री ते ५ वी)
▪️ प्रथम – संजना साजन पवार, आमोदा
▪️ द्वितीय – परीघी महेंद्र पटले, जावदे ता. ह.
▪️ तृतीय – राधिका संजय महाले, सारंगखेडा

🔹 लांब उडी – मुले, मोठा गट (इ. ६ वी ते ८ वी)
▪️ प्रथम – राजवीर अनिल भिल, असलोद
▪️ द्वितीय – निलेश शिवाजी ठाकरे, शिरुड दिगर
▪️ तृतीय – आयुष इंदास भंडारी, मंदाणे

🔹 लांब उडी – मुली, मोठा गट (इ. ६ वी ते ८ वी)
▪️ प्रथम – पल्लवी युवराज ठाकरे, मंदाणे
▪️ द्वितीय – दिपाली कैलास पिंपळे, जावदे ता. बो.
▪️ तृतीय – रोशनी जयसिंग सोनवणे, शिरुड दिगर

या वैयक्तिक स्पर्धांमधील यशामुळे विद्यार्थ्यांमध्ये आत्मविश्वास, स्पर्धात्मक वृत्ती व क्रीडाप्रेम अधिक दृढ झाले असून भविष्यातील जिल्हास्तरीय व राज्यस्तरीय स्पर्धांसाठी सक्षम खेळाडू घडण्याचा मार्ग प्रशस्त झाला आहे.

आयोजन व मार्गदर्शन:
या संपूर्ण स्पर्धांचे प्रभावी आयोजन व मार्गदर्शन डॉ. योगेश एम. सावळे, गटशिक्षणाधिकारी, पंचायत समिती शहादा यांच्या नेतृत्वाखाली करण्यात आले. त्यांना श्री. एस. एस. तावडे, शिक्षण विस्तार अधिकारी, पंचायत समिती शहादा यांचे मोलाचे सहकार्य लाभले. याशिवाय सर्व केंद्रप्रमुख, मुख्याध्यापक, शिक्षकवृंद, पंच, गुणलेखक व गटसाधन केंद्रातील विशेष शिक्षक यांच्या समन्वयातून स्पर्धा अत्यंत नियोजनबद्ध पद्धतीने पार पडल्या.

सदर क्रीडा स्पर्धा अत्यंत शिस्तबद्ध, सुरक्षित व उत्साही वातावरणात पार पडल्या. क्रीडा समितीतील सर्व सदस्यांनी परिश्रमपूर्वक योगदान दिल्यामुळे स्पर्धा यशस्वी ठरल्या. या यशस्वी आयोजनाबद्दल सर्व सहभागी खेळाडू, मार्गदर्शक शिक्षक, केंद्रप्रमुख, पंच, गुणलेखक, गटसाधन केंद्रातील विशेष शिक्षक तसेच आयोजक समितीचे मनःपूर्वक अभिनंदन करण्यात आले.

या स्पर्धांमुळे विद्यार्थ्यांमध्ये क्रीडाविषयक आवड निर्माण होऊन भविष्यातील खेळाडू घडण्यास निश्चितच चालना मिळेल, असा विश्वास मान्यवरांनी व्यक्त केला.

(Collector Office Nandurbar)
Khelo India